A pagina chi manca - I Muvrini

Ghjè cum'è ùn dispacciu ch’eo ti mandu

Un ricordu chì ti vole parlà

Di quandu più nunda m’appartene

Di tuttu l’amore ch’ellu sà

Ghjè cum'è una sera di Nuvembre

Chì a notte ùn vole addurmintà

Quand’ellu hè finitu lu viaghju

Chì u core ùn si vole piantà

In memoria

D’una casuccia bianca

Di l’avvene chì ci stava digià

Vogliu scrive a pagina chì manca

U libru chì m’aiuta à campà

Ghjè cum'è una lacrima chì ferma

Mi face soffre una altra volta

L’ultima parulla chì rivene

Dumanda anch’ella una risposta

Dumanda anch’ella una risposta

Ghjè cum'è un basgiucciu ch’eo ti mandu

Pè quelli ch’eo ti vulia dà

Cum'è una piazzuccia ch’eo ti tengu

Una porta aperta pè vultà

Una porta aperta pè vultà

In memoria d’una casuccia bianca

Di l’avvene chì ci stava digià

Vogliu scrive a pagina chì manca

U libru chì m’aiuta à campà …