Anak Ng Diyos - Malay

Ang dami naman, dami namang may alam

Ang dami namang tamang daang paniniwalaan.

Ang dami namang sigurado sa inyo.

Ako lang ba rito ang nalilito.

Ang dami namang mahihiwagang aklat.

Ang dami naman, dami namang taong nagsulat.

Sa bibig ba niya galing ang mga talatang iyan?

Pasensya na po, ako’y naguguluhan.

Dahil diba, kung meron mang ama, ako rin ay anak?

At dahil diba, ako ay sa kanya kahit di ako tiyak?

Ikaw lang ba ang nasa ulap?

Ikaw lang ba ang nakasakay diyan sa magpakailanman?

Ikaw lang ba ang nasa ulap?

Ikaw lang ba ang nakasakay diyan?

Ikaw lang ba ang anak ng diyos?

Sino na ba mga propeta ngayon?

Alam ba nila, alam ba nila

Ang tawag ng panahon

Sa loob nanggagaling ang sariling kahulugan

Ang mga sagot

Ikaw ang makakaalam

Dahil diba, ang bawa’t isang anak

Iniibig ng ama, kahit ano pa siya?

Mga nangungulila,

Bayad nang mga sala,

Ligtas sa dilang masama.

Ikaw lang ba ang nasa ulap?

Ikaw lang ba ang nakasakay diyan sa magpakailanman?

Ikaw lang ba ang nasa ulap?

Ikaw lang ba ang nakasakay diyan?

Ikaw lang ba ang anak ng diyos?

Pano naman, pano naman ako?

Pano naman, pano naman sila?

Pano naman, pano naman kami?

Pano naman, pano naman sila?

Pano naman, pano naman kami?

Pano naman?